క్రికెట్‌లో 117ఏళ్ల రికార్డు బద్దలు
రంజీలో ఒడిశాపై సమిత్‌ 359 నాటౌట్‌
జైపుర్‌: ఫస్ట్‌క్లాస్‌ క్రికెట్‌లో 117 ఏళ్ల రికార్డు బద్దలు చేశాడు గుజరాత్‌ యువ క్రికెటర్‌ సమిత్‌. రంజీ ట్రోఫీ క్వార్టర్‌ ఫైనల్స్‌లో ఒడిశాతో జరుగుతున్న మ్యాచ్‌లో గుజరాత్‌ ఓపెనర్‌ సమిత్‌ గోహెల్‌ 359 పరుగులతో నాటౌట్‌గా నిలిచి ప్రపంచ రికార్డు నెలకొల్పాడు. వ్యక్తిగత ఓవర్‌నైట్‌ స్కోరు 261తో ఐదో రోజు, మంగళవారం ఇన్నింగ్స్‌ ఆరంభించిన అతడు 359 పరుగులతో రాణించి గుజరాత్‌కు 706 పరుగుల భారీ ఆధిక్యాన్ని అందించాడు.ఈ భారీ ఇన్నింగ్స్‌లో సమిత్‌ ఫస్ట్‌ క్లాస్‌ క్రికెట్‌ చరిత్రలో అత్యధిక పరుగులు చేసిన ఓపెనర్‌గా ఘనత అందుకొన్నాడు. గతంలో 1899లో అంటే 117 ఏళ్ల క్రితం సోమర్‌సెట్‌పై సర్రే జట్టు బ్యాట్స్‌మన్‌ బాబీ అబెల్‌ నెలకొల్పిన 357 పరుగుల రికార్డు సమిత్‌ దెబ్బకు కనుమరుగైంది. ఈ సీజన్‌లో త్రిశతకం సాధించిన ఐదో ఆటగాడిగా సమిత్‌ రికార్డు నెలకొల్పాడు.
రంజీలో ఒడిశాపై సమిత్‌ 359 నాటౌట్‌
క్రికెట్‌లో 117ఏళ్ల రికార్డు బద్దలు రంజీలో ఒడిశాపై సమిత్‌ 359 నాటౌట్‌
4/
5
Oleh
Unknown
